好色猥瑣
點解男人鍾意巨乳女呢？答案到家陣仲未有定論，有人類學家表示，從遠古時期男人已經對巨乳女情有獨鍾，事關擁有巨乳嘅女性一般都身材豐滿，代表其體格健康，生育力強，更加有足夠能力照顧好下一代。然而，到今時今日，相信男士們追求巨乳女都只不過係因為交歡之時更多玩法而已，怪不得男士見到巨乳女出現就露出色迷迷嘅眼光。
日本巨乳水着水優，擁有40吋H-cup上圍嘅愛川杏里季就表示，最憎男人用咁嘅眼光望佢，杏里季話：「我都知道擁有H-cup巨乳嘅女仔的確係好少有，但係都唔好經常望住人哋個胸，仲要望到眼甘甘吖！老實講，我唔係介意人哋望我，但係我發覺好多男人望住我嘅時候，除咗集中望我個胸之外，仲會露出淫穢又猥瑣嘅眼神，最慘就係唔少人一邊望，一邊流口水，唔使問都知道佢哋個腦正幻想如何對我對巨乳百般玩弄啦！真係諗起都覺得毛管戙呀！」
品格低下
其實，杏里季又唔使咁大反應，因為阿妹嘅上圍實在係當世罕見，多望幾眼都係人之常情，即使係望到流晒口水都只不過係情不自禁，完全係出自真心，唔通真心去望一個女仔都有罪咩？另一位水着女優，擁有36吋G-cup巨乳嘅青島明菜就話：「冇罪，但係表示品格有問題囉！」
明菜繼續話：「一個女仔又點會得個胸值得男人欣賞呢！樣貌、玉手、纖腰、臀部、長腿，都好有欣賞價值吖！不過，識得欣賞晒以上咁多個部位都未算係最好，因為懂得探索，繼而欣賞女仔嘅內在美先係最重要，如果只係注重外表，我相信呢種男人一定以色慾掛帥去追女仔，只會一心滿足自己嘅色慾，唔使我再多講，大家都一定會認為咁樣足以表現其品格低下，絕對唔會係值得女仔鍾意嘅男人啦！我同一班姊妹都會鄙視佢哋㗎！」
存心欺騙
聽到青島明菜咁講，愛川杏里季就突然悲從中來，莫非杏季里經常被呢種咁冇品格嘅男人煩住，甚至係玩弄？
杏里季話：「玩弄就冇，不過實在令我好傷心囉！有一次，我約咗班舊同學出嚟唱K，當晚有幾個舊同學帶咗啲男仔嚟一齊玩，其中有一個都幾靚仔，而且仲係我最鍾意嘅IT人。本來我咁怕醜，唔識去溝佢㗎！不過，後來發覺佢對我都幾有意思，成晚都不斷撩我傾偈同唱歌，大家都玩得好開心。點知到完場嘅時候，就睇到佢嘅真面目喇！當時，大家都要返屋企，而呢個男仔就話送我，但係行到半路嘅時候，佢就表示好鍾意我個胸夠大，想我同佢去就近嘅酒店度開房，真係估唔到佢原來係啲咁嘅人，仲當我係一個隨隨便便嘅女仔，實在太過分喇！」
撰文：祖