米雪係一個大美人，但係佢每次同異性親熱，都有一個奇怪嘅要求，就係一定要將啲燈全部熄晒，就連電視機嘅備用燈，都唔可以射住佢，如果畀佢見到少少光，佢都會周身唔舒服，親熱中途都會唔想繼續落去，起身就走。
米雪都覺得自己有啲怪怪地，但係睇咗好多醫生都幫佢唔到，後來認識催眠師占美，米雪將情況話畀佢知，占美問佢有冇興趣接受催眠治療，米雪見占美都幾信得過，於是接受占美催眠，米雪瞓喺梳化上面，當占美由一數到三就瞓着咗。
整個過程係點，米雪唔清楚，清醒番之後，占美話可以返去試吓效果，於是返到屋企，米雪點咗一支洋燭，放到遠遠，然後同男友親熱，全場三十分鐘，竟然完全冇畀燭光影響到心情，仲同男友搞到連續嚟咗多次高潮，自己都叫到聲嘶力竭。
米雪覺得太神奇，於是第二日即刻走去問占美，問佢究竟係乜嘢一回事，占美話經過催眠，發現米雪上一世原來係一個偷窺狂，自懂人事開始，就四出偷睇別人親熱，話說佢有一次，睇到一個有權有勢嘅伯爵，正想污辱自己家中嘅年輕女僕人。睇得興高采烈之際，竟被伯爵嘅下人捉住，驚動到伯爵連個女僕都唔搞就走嚟主持大局，伯爵怕佢會宣揚開去，於是吩咐下人將米雪丟入湖中，米雪含恨大叫：「要親熱就咪畀人見到，畀人見到就咪親熱，我下世親熱一定唔會畀人睇到。」米雪聽後即時恍然大悟。
但占美點樣改咗佢嘅壞習慣呢？占美話：「催眠咗你之後，我扮個女僕嚟向你致謝，仲鼓勵你，如果係真愛嘅就唔怕畀人睇！」聽落好神奇，但係既然已經醫好咗，米雪都唔理佢真定假，總之可以享受真正嘅性愛就得。
小德