路邊舉牌
俗語有云「路邊野花不要採」，喺女人嘅角度嚟講，當然唔希望男友喺外面拈花惹草，但佢哋又點估得到，日本最近出現一種路邊風俗娘，專門喺繁忙嘅公路旁邊截車，用以吸引男性駕駛者嘅注意，順道為佢哋解決生理需要，真係偷食咗都唔知！話說宮本先生最愛喺假日揸車到處遊玩，咁啱遇到呢種特別嘅「風俗服務」。
宮本先生笑道：「不少日本有車一族，都鍾意趁住假日，以自駕遊嘅方式周遊日本各地。有一日我駕車到福崗參觀完當地名勝後，駛到附近一條鄉村公路，見到前方路旁，有個衣着性感，身材玲瓏浮凸嘅女仔喺路邊高舉紙牌。當時冇為意佢手上紙牌寫嘅係乜，只係直覺上覺得佢想截順風車，於是便喺佢面前停車。」當佢停車後發覺，個女仔唔單止衣着性感，仲生得非常省鏡。正當宮本先生想問對方去邊之際，靚女便問佢想要幾多分鐘嘅服務。宮本先生笑道：「聽到佢咁講我覺得唔多對路，於是睇下佢手上紙牌寫咗啲乜，原來上面除咗寫目的地外，更寫有『風俗服務』四個字，大惑不解嘅我於是問佢係乜嘢意思。佢解釋呢種係方便長途駕駛人士嘅風俗服務，收費則同一般風俗店一樣。」
任揀地點
呢個時候宮本先生至醒覺，原來對方並非截順風車，而係兜搭駕駛男士嘅風俗娘。據該名叫做奈奈嘅風俗娘表示，佢哋一般嚟講會跟隨客人到附近嘅酒店曳曳。如果客人有需要嘅話，亦唔介意喺車內，甚至到附近嘅郊野地方溫存。不過話說回來，假如駕車嘅男士心懷不軌嘅話，呢啲路邊風俗娘咪好危險？宮本先生就話：「咁又唔使擔心。事關佢哋後面有支援人員，奈奈同我講，佢嘅手機度裝有全球定位系統，支援人員透過呢個系統，對佢嘅行蹤瞭如指掌。當佢上咗車後，便會發個短訊畀管理員，並告之客人需要服務嘅時限。如果喺時限屆滿，但佢未及時發訊息報平安嘅話，支援人員便會嚟搵佢。呢個做法既能方便管理之餘，亦可保障佢哋嘅安全。」
雖然宮本先生發覺對方並非截順風車，但難得遇到一個性感迷人嘅靚女，按捺不住便叫對方上車。「奈奈上車後，便笑問我想喺車廂度曳曳，抑或想到附近嘅時鐘酒店。老實說，我從來未試過車震嘅滋味，於是便決定試吓車震，而喺奈奈引路下，我哋就到咗附近一個樹叢。」宮本先生道。
共享銷魂
當佢哋到達樹叢後，奈奈便動手解除身上束縛，然後再細心地為宮本先生寬衣解帶。宮本先生以為喺如此狹小嘅車廂內，唔會有乜前奏工夫時，奈奈已為宮本先生穿好雨衣，並為佢吹奏一曲。
宮本先生笑道：「唔知係咪睇得AV多關係，見到有個靚女喺車內為我服務，感覺好似做咗AV男優咁。」一輪前奏後，宮本先生便跟奈奈喺車廂內激戰起嚟，冇耐便一同到達高潮嘅頂峰。完事後佢便按奈奈嘅要求，送佢返出去大路，好讓佢再繼續做生意。
據宮本先生表示，一般嚟講，呢啲風俗娘工作時間只會喺傍晚到凌晨，返工嘅時候由公司以專車載到特定嘅路邊，而當佢哋收工時，便會由專車載佢哋到集合地點，相當制度化。宮本先生補充道：「呢種路邊風俗娘嘅收費唔係太高，同一般風俗店差唔多。不過唔好嘅地方，就係佢哋截車嘅地點經常變換，一來為咗避免引起有關當局嘅注意，二來亦希望能接觸到更多客源。此外，見到奈奈未清潔便再次工作，真係有啲擔心佢哋嘅衞生狀況。」
撰文：阿豪