喺日本秋葉原街頭，經常可以見到Cosplayer，所謂「Cosplayer」，其實就係專門打扮成動漫中角色嘅人士，佢哋大多數為妙齡少女，通常喺街頭幫店舖做宣傳、供遊人影相，又或者喺街頭表演博出位等。據了解，過去AV界嘅相崎琴音都係做呢行出身，其實食呢行飯都唔係咁易，事關動漫人物嘅身材比例多數唔平均，所以要着得好睇，扮得維妙維肖，真係一啲都唔易。而呢次介紹嘅AV女優，同樣係Cosplayer出身，仲推出過寫真DVD，可以話玩到出神入化，之不過要佢拍AV，似乎有啲牽強。
無可否認，呢位女優具備Cosplayer嘅條件，身材比較瘦削，扮演漫畫中嘅少女零舍入型入格，但作為AV女優嚟講，呢啲冇乜睇頭嘅女仔就唔係咁適合。雖然所屬嘅片商Kawaii極力為佢造勢，又將佢嘅作品封面利用Photoshop修飾得美輪美奐，但只會令睇過作品而呻笨嘅朋友更加討厭佢。講咗咁耐，大家知唔知佢係邊個呢？
答案：上野綾
出生日期：1989年1月4日
身高：155cm
三圍：31、23、33
娟娟