踢波少不免會踢到一身臭汗，呢股男人味對男人嚟講，梗係冇所謂，但對女士們嚟講，卻係難頂嘅惡臭。可能有男士覺得女人天生敏感，反應先會咁激。其實呢陣汗味真係好惡頂，難聞嘅程度，睇過以下嘅短片就知道。
文仔平日好少踢波，加上佢份人有嚴重嘅潔癖，踢完波聞到一身難聞嘅汗味，梗係頂唔順啦！故此，當球證吹咗長雞後，便即刻閃入更衣室，將臭氣熏天嘅波衫除咗落嚟。
正當文仔拎住件臭波衫唔知點搞，想掉咗佢嘅時候，其他球員亦陸續返到更衣室。本身件波衫已經氣味難頂，仲要加上大班成身汗味嘅波牛，文仔差啲畀濃郁嘅汗味焗暈！
一個大隻佬球員見到文仔個款，以為佢想交換球衣，便除咗件汗味波衫同佢交換，仲攬咗文仔一下，差啲焗暈文仔。大家明白到，點解踢完波返屋企，女友要你即刻沖涼啦！
阿豪