活躍車場
講到男士們最欣賞嘅畫面，除咗三仔四仔之外，必定係足球，當然一個人兩條心唔算多，所以好多男人同時亦鍾意睇賽車。有好多女人會問：「睇住咁多車兜圈鬥快有咩好睇呀？」女士們實在有所不知，賽車場上你追我逐，攝位入彎，甚至極速飄移，每一個畫面都包含住賽車手嘅無比鬥志以及高超技術，真係精彩絕倫架！
除咗賽車手，賽車女郎一邊要抵受猛烈陽光，一邊為車手打氣就更加抵讚喇！而活躍於美國各個賽車場上嘅狂野賽車女郎，就更加值得拍爛手掌喇！命名為「燃料女郎」（Fuel Girl）嘅呢班賽車女郎，打破一般將賽車女郎視為花瓶嘅慣例，唔單止出場嘅時候穿上性感服飾，仲會用盡方法令賽車場入面嘅熱情無限增加！只要賽車場有佢哋出現，各位男士一定會感受火辣無比，甚至辣到起晒火添！
唔激唔玩
燃料女郎顧名思義，個個渾身是勁、活力十足，不過活潑好動並非唯一嘅解釋，因為呢班燃料女郎每個都樣子美艷絕倫，足以同荷里活女星並駕齊驅，而且每一個都擁有驕人身段，身材玲瓏浮凸，絕對係索女中嘅索女！欣賞佢哋嘅外在美已令男士感到渾身火燙。然而，呢班囡囡又豈止得個樣咁簡單呢！盡情展現誘人身段外，佢哋更會大跳辣舞，以力度十足、火辣誘人嘅舞姿令在場嘅男士熱血沸騰，亦由於佢哋本身表演欲強，再加上係辣妹一名，有時仲會玩到剝晒衫褲剝晒鞋，將身軀赤裸裸咁展現人前！
咁已經好激？未算呀！因為囡囡們經過嚴格訓練，最叻就係玩火！冇錯，火者，能燒盡萬物之火也！每個囡囡都懂得一邊跳舞，一邊玩噴火，將誘人舞姿配合危險性極高嘅玩火絕技，現場嘅氣氛又再提升到另一層次喇！
辣興車手
作為一個正宗嘅賽車女郎，除咗讓觀眾嘅眼睛有冰淇淋食之外，更要為賽車場內鬥個你死我活嘅賽車手打氣啦！而佢哋為車手打氣嘅方法亦別樹一格、熱情奔放。囡囡本身都非常熱愛賽車，再加上車手一向予人有型有款嘅印象，所以囡囡一見到班車手就會春心蕩漾，主動投懷送抱，同班車手玩埋一堆之餘，更加會撲上車上，從後攬實車手，以美色令車手好似撻到着晒嘅摩打一樣咁興合合！搞到車手們鬥志激昂！
要求嚴格
燃料女郎個個都樣靚身材正，而且仲熱情如火，大家細心留意，燃料女郎嘅身高、形象、打扮都非常統一添！冇錯，因為要投身為燃料女郎行列，一定要經過嚴格挑選！首先，身高要介乎5呎5吋至5呎7吋；頭髮要黑色；身上冇肥肉；打扮要夠in，仲有兩個特別嘅條件，就係唔可以話「唔得」，以及唔可以打假波喇！因為燃料女郎為咗表演而生存，需要滿足任何觀眾嘅要求，觀眾大叫「除衫！除衫！」嘅時候亦一定要點頭答應，咁先可以令觀眾感到滿意。
當然，觀眾太過分嘅要求則會由在場嘅保安人員勸止啦！至於唔可以打假波嘅條件其實亦顯而易見，因為女郎有時需要做出各種高難度動作娛賓，例如玩噴火雜技，又要跳跳紮四圍走，有雙人工波少不免有礙活動能力，最慘就係一個唔小心將假波撞破，咁就唔知點收科喇！
撰文：賢