昔日東方勝在齊心巴科爾：我都要幫守
東方昨日反勝大埔，其中巴科爾（Noah）下半場梅開二度成為功臣之一。賽後他表示季中幾位主力離隊後，面對極大困難，慶幸所有隊友團結一致，才得以擊敗強敵。
雖然反壓「綠戰士」做1哥，但Noah未被勝利沖昏頭腦：「今場贏波就上榜首，所以大家一開波就好有火，好開心總算達成呢個目標，但我哋嚟緊每場都要做好自己，睇吓可唔可以咬到最後，攞到聯賽冠軍。」
Noah亦感嘆今場勝利得來不易，並指出季中有幾名主力離隊後困難重重，幸好全隊互相補位，才得以與強隊周旋：「季中走咗幾個主力，對球隊有好大影響，雖然之後搵咗幾個新兵，但佢哋始終要時間融入，所以我哋唔會單靠個人能力贏波，所有人要齊上齊落，我都要幫手守波，今場證明只要大家堅持信念，就算對住強隊都有得鍊吓。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
