周末激戰連環爆發

上場面對港會賽前被看高一線的冠忠南區，靠杜度臨完場前頭槌絕殺，才最終鎖定2比1勝局，過程頗為驚險，但主教練列文認為無論如何，勝果比一切重要：「開季第一場贏波對球隊嘅士氣非常重要，上場波印證咗我賽前所講，今季唔會有易踢嘅比賽。」列文表示為應對晉峰的鮮明踢法，已有相應部署，季初波亦會專注做好自己，進一步改善球隊踢法。（周六下午3時30分開賽）

多位南區新兵上仗都交出個人「地標戰」，除了贏波功臣杜度之外，為夏志明助攻的簡嘉亨，表現亦令人印象深刻，這位U22年輕翼鋒自我要求甚高，認為表現有待改善：「首戰交出助攻係開心嘅，但其實我仲錯失咗一次入波好機會，如果入埋就完美啦。」他希望能夠把握上陣機會，提升自己比賽狀態，為球隊再作貢獻。

晉峰主教練艾斯達維、翼鋒費利浦薩，加上一對後衞曾仲楠及艾拔簡奴需要停賽，今仗暫代領軍的總教練何信賢坦言對部署有一定影響：「我哋焗住要用全新中堅組合，暫時球隊仲試緊唔同可能性，應該會用新球員或者後生仔，落到場要睇吓佢哋信心啦。」上季5鬥南區取得2勝1和2負不俗成績，「何Sir」有信心應付對方的高空轟炸，望開季能保持不敗。

小將邵昀俊（Michael）今季新加盟晉峰，他表示隊中有不少年輕球員，因此大家磨合得不錯，希望在「菁英盃」盡量幫助球隊：「教練想我做番平時擅長嘅嘢，喺中場做多啲破壞工作，自己都好想幫球隊減低失球數字。」Michael坦言今仗對手南區擅長高空球，惟球隊亦有針對性戰術及部署，相信可在防守上交出好表現。

港會在重返頂級賽事首戰，一度靠羅賓士高開局的入球領先，雖然最終僅敗冠忠南區，但已證明球隊有能力為港超對手製造麻煩，惟該名比賽中後段領紅的入球功臣，今場要坐波監，主教練東尼咸美頓承認此子缺陣，難免對球隊造成影響，並強調陣中有足夠人腳頂替其位置。東尼咸美頓亦提到自己和球隊，仍需要適應升上港超所遇到的轉變，但相信大家團結一致必能戰勝困難。（周六晚6時開賽）

年僅16歲的港會小將嚴天健（Lucas），對南區的比賽中下半場後備上陣，更有過一次絕佳射門機會，這位剛由青年軍升上一隊的前鋒，直言「菁英盃」賽事與過往參與的青年聯賽有很大分別：「比賽體能要求好高，對抗嘅入肉程度同以前好唔同，完全冇停低抖氣嘅時間。」Lucas希望可以繼續努力，把握在「菁英盃」上陣的機會。

首戰以3比0擊敗傑志的理文，可謂是取得完美開局，球隊近日確認將於10月底作客烏茲別克出戰「亞協盃」跨區決賽，主教練陳曉明表示希望出發前，盡力在「菁英盃」賽場搶分：「今年每一個聯賽盃賽，我哋都會盡力爭勝；希望喺『亞協盃』之前一直保持好嘅走勢。」「曉明Sir」認為港會防守能力不俗，如何破防會是理文今場一大考驗，可幸主力鋒將金承龍已痊愈，可以隨時候命。

理文年輕攻擊手張憙延，今季將會最後一次以適齡球員身份出戰「菁英盃」，比起初出道，他認為現時自己已經不再怯場：「自己第4年踢『菁英盃』，已經唔緊張毫無壓力，可以放膽去踢。」此子上仗面對傑志一役表現活躍，但尾段多次出現抽筋情況，他承認自己體能有待提升，爭取踢足90分鐘。文：林卓臻