華度卡奴升呢「10億少女」

華度卡奴奪冠後立即成為時尚新寵兒，時裝雜誌Vogue及珠寶品牌Tiffany & Co.邀請她出席倫敦時裝周晚會，穿上高貴晚裝及穿戴全身珠寶首飾，而這一切只是開始。英國《每日郵報》及《衞報》報道，華度卡奴將成為全球各大品牌最新目標，而且範圍廣泛，包括時裝珠寶、飲食、化妝等品牌。有分析指，她只有18歲，若每年續約或更換贊助商，起碼有10次簽約機會，現時女子網壇吸金第1人係38歲嘅「細威」，華度卡奴比佢年輕20年，商業潛力無限，只要在賽場內交到好成績，甚至再次贏得大滿貫冠軍，整個生涯收入可高達1億鎊。

另邊廂，華度卡奴母親為中國東北人，自然唔少得中國商機，包括開通微博，日前她接受中國傳媒訪問，就用中文回答問題，並承諾會去中國比賽，其吸金能力真係無可限量。