昔日東方政情：積小善種福田 尚海龍帶女賣旗
有唔少慈善團體都會搞賣旗活動，每次都有好多學生同家長一齊幫手，身為人父嘅「新丁」議員尚海龍前日同兩個囡囡一齊去港島賣旗喎，唔知佢哋賣旗方面係咪「新丁」呢？
自己有6次賣旗經驗
原來唔係，尚海龍唔單止唔係賣旗「新丁」，更係「老手」添！事關佢已經有6次賣旗經驗，第一次係喺8年前，帶讀幼稚園N班嘅囡囡去。咁持續不斷賣旗，佢就話因為同囡囡都好鍾意呢種「積小善、種福田」嘅方式。
囡囡有冇怕醜呢？尚海龍就話有，而且一開始賣旗仲要佢主動囈路過嘅人支持賣旗，但逐漸小朋友就放開膽量，最後都有成一半路人支持佢哋添，仲有個伯伯用咗50蚊買旗，尚海龍就話囡囡因為呢件事，開心足成日喎。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
