政情：新春團拜財神 議會新丁化身

雖然財神爺嘅面龐被假鬚遮咗一半，但仔細啲都可以睇得出，佢咪就係議會新丁、中文大學工程學院副院長黃錦輝教授囉！其實事後黃錦輝都喺自己嘅社交專頁上載財神造型照，又留言「猜猜我是誰」以挑戰大家嘅觀察力，結果好快就有人估中話「只有係教授」。睇番佢呢一身嘅財神裝扮，成套官服由頭到腳做到足，仲要捧住個金元寶道具，喺細節呢一方面都可以話一絲不苟。