昔日東方政情：內地服刑 港人蛇鄧棨然想學外語
12名港人蛇案中，其中一名被告鄧棨然因組織他人偷越邊境罪罪成，被內地法院判囚3年，現於內地監獄服刑。佢近日寫信畀家人，叫家人唔使再寄生活費畀佢嘞，事關已經夠用，但就叫家人幫佢買西班牙文同日文嘅自學教材，睇嚟係喺獄中自學嘞！
叫家人唔使再寄生活費
鄧嘅家人喺社交平台貼文，亦上載咗封信，話前日收到鄧喺內地寄嚟嘅信。鄧喺信中話，由於內地嘅天氣愈嚟愈熱，叮囑母親同弟弟要注意身體，要飲多啲水，唔好為慳錢而唔開吓冷氣，開冷氣仲要擺杯水喺床頭，同埋記住校自動關機。
講到生活費方面，佢話之前家人轉過去畀佢嘅生活費，因為規定一日只能用100元，而家人轉畀佢嘅生活已足夠日後應用，着家人唔使再寄嘞！
佢喺之前寫嘅家書提過，每日都有睇《聖經》，而喺今次呢封信就叫家人幫佢搵西班牙文同日文嘅自學教材，仲叫家人回信時寫埋書名畀佢，等佢可以用書名申請。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
