政情：科研樓獲批撥 「暴大」惡名揮不去

議員梁美芬指自己係中大校友，對於校內發展當然係愛之深、責之切，亦支持校方發展高科技，但擔心科技人才欠缺素養的話「愈叻就走得愈歪」。梁促請中大同政府應該「有幾多做幾多」、正視培養學生品德。議員謝偉銓亦關注黑暴期間，中大校園被佔領，嚴重破壞校園及大學站嘅設施，問校方如何確保安全。

中大副校長吳樹培回應話，喺黑暴事件後已聘請保安顧問作全面建議，第一層係實施出入管制；第二層係校園170棟樓宇中，約有30棟因有重要資料，策略上需特別保護，會加設閉路電視、出入管制措施等；第三層則喺每間房內加強保安。吳指會與政府商討地契上嘅調整空間，研究不向校外人士開放校園嘅可能性，以及容許實施更強嘅保安設施。