政情：抗體下降 黃國做「白老鼠」打第3針

有工會喺社交平台貼文，黃國話自己係最早嗰批接種疫苗嘅，打咗超過半年，效力下降。佢尋日就參加咗疫苗接種第3針實驗研究，選擇接種科興，之後會定期抽血檢測以收集數據，為下一步推廣第3針打下科學基礎。

佢話依家仲有部分人、特別係好多老友記，對接種疫苗仍然持懷疑或觀望態度，而佢就以自己打針嘅經驗去「谷針」，話打咗針之後，除咗針口位置輕微腫痛、口渴需要多飲水同休息呢啲正常反應外，並冇唔舒服。佢又期望多啲市民接種疫苗，爭取盡早通關。