政情：李文浩宣布「長社力」停運

屬傘後組織嘅長社力喺2014年年底成立，以促進鄰里社區關係，以及推動本地民主進程為目的。李文浩指長社力嘅社交平台專頁，不時招致敵對陣營隔空罵戰，形容若繼續運作落去專頁將會變得雞肋，仲會令義工身處危險之中。為免出現難以預料嘅狀況，佢宣布長社力「歷史任務已經完結」。

其實李上任後與同區嘅前區議員劉家衡聯合開設議辦，舊年兩人喺議辦外張貼「藍絲與狗不得內進」嘅告示惹起軒然大波。李早前曾喺社交平台貼文，話未收到政府發還開支，無奈要墊支幾十萬元，仲要繳交辦事處租約賠償金喎，搞到要賣啤牌籌錢。至於劉家衡就因妻子潘書韻涉毆打示威者而被控，兩人早前已「着草」流亡海外，連累李要獨力負擔議辦租金，認真慘情啊。