昔日東方政情：李應生撐全禁電子煙加熱煙
港府提修例擬禁止電子煙和加熱煙，各界討論得如火如荼，社會上主要有兩種聲音，一係為健康着想堅持全禁，一係就提出分拆方案，只禁電子煙、規管加熱煙，可謂意見紛紜。香港中醫中藥界聯合總會會長李應生就認為必定要一刀切全禁。
倘涉毒難執法
對於部分人提出禁啲唔禁啲，李應生百思不得其解，佢提到，最近內地擬推全國層面控煙立法，打擊吸煙勢在必行，香港都應該要跟隨，佢形容電子煙透過電子裝置吸食，內裏放啲咩根本冇人知道，就算吸食毒品都無人知咁話，實在難以執法。
另外，電子煙及加熱煙標榜冇煙臭味，尤其前者以新潮嘅電子裝置吸引年輕人使用，恃住咁就更加方便吸食，一旦成癮可能損害健康。李仲話若只禁電子煙，英美嘅煙草商依然係得益者，形容事件同鴉片戰爭無異，不斷蠶食年輕人嘅體魄呀！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
