政情：陳健波談移民潮：年輕人上位機會

波哥指現今係資訊科技發達嘅年代，時下年輕人嘅創意、能力比以前更大，只要有適當機會，一定可以作出貢獻。然而香港經濟已步入成熟期，年輕人往往苦無向上流嘅機會，如今香港出現人才流失，反而可營造上進嘅梯階。佢話80年代香港亦出現移民潮，當時唔少年輕人因企業提拔以填補空缺，從而獲得上進機會，亦都令到香港經濟再創奇迹。

波哥又建議提供培訓課程以針對人才流失較嚴重嘅行業，而政府同公營機構亦應該帶頭，破格擢升有能力嘅年輕人，及以財務或稅務優惠嘅方式，鼓勵外資企業多聘請本地年輕人，為佢哋提供更多工作機會，從而開創更多職位，令到後生仔睇到希望。