昔日東方有性趣：鎖陽龍骨茶補腎固精
做人成日都咁緊張好易出事㗎，得閒應該坐低飲啖茶、食個包，等自己可以放鬆一下。講開飲茶，佢嘅好處真係多到數唔晒，事關以唔同材料沖泡嘅茶飲，可以帶嚟唔同嘅功效，假如男人覺得自己呢排嘅床上表現麻麻，可以試下煲呢款鎖陽龍骨茶嚟歎，聽講對增強雄風好有幫助呢！
要咩材料？
呢款鎖陽龍骨茶出自中醫書籍《茶飲保健》，材料包括鎖陽5克、龍骨3克、蓯蓉3克、桑螵蛸3克、茯苓3克同埋紅茶3克。
點樣炮製？
做法好簡單，將所有材料放入水煲內，加入約400至500毫升清水，煲煮約15至20分鐘就可以飲用。
有乜功效？
鎖陽龍骨茶包含鎖陽、龍骨、蓯蓉、茯苓等材料，佢哋喺《麟爪集》記載既金鎖固精丸出現過，具有補腎、固精等功效。而紅茶性溫，有去寒、暖胃作用，適合陽虛怕冷體質者飲用，可收溫補不傷胃嘅效果。換句話講，呢款保健茶能夠帶出補腎、壯陽、澀精等功效，適用於改善腎虛、陽痿、遺尿等問題。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
