有性趣：飲羊奶點止補鈣咁簡單

喺中醫角度，羊奶性溫，味甘，具有溫潤補虛嘅功效，好似《食療本草》對羊奶嘅益處就有以下記載：「補肺、腎氣，和小腸，亦主消渴，治虛勞，益精氣。」《食醫心鑒》指出羊奶可以「益腎氣，強陽道。」對男士嚟講，好處多多！

講到羊奶嘅營養價值，最主要係鈣質含量方面，比起同等分量嘅牛奶仲要高，但係羊奶所含嘅脂肪又比牛奶為高，所以唔可以飲得太多，以免令身體脂肪過分積累。另外，羊奶嘅磷質含量唔低，對於需要注意磷、鈉、鉀等礦物質攝取量嘅腎臟病患者嚟講，亦要多加注意，飲用前最好問吓醫生先。