昔日東方有性趣：以形補形食牛腎壯腰腎
坊間有所謂「以形補形」、「以臟補臟」嘅講法，明代名醫李時珍嘅《本草綱目》更加有「以胃治胃，以心歸心，以血導血，以骨入骨，以髓補髓，以皮治皮」嘅理論。話時話，如果男人想進一進補，希望可以喺床上重振雄風，可以食乜嘢動物內臟？仲使問，梗係腎啦，特別牛腎更為有效！
又名牛腰子
牛腎係牛科動物黃牛或水牛嘅腎臟，又叫牛腰子，驟眼睇似一抽葡萄，帶有濃烈嘅腥味。喺中醫角度，牛腎味甘、鹹，性平，歸腎經，具有補腎、益精、強腰膝、止痹痛等功效，可以用嚟治療虛勞腎虧、陽痿氣乏、腰膝痠軟、濕痺疼痛等問題。
強身牛腎粥
牛腎嘅肉質較粗，需要長時間烹調，所以用嚟炮製牛腎粥都幾唔錯，可以改善五勞七傷、陰萎氣乏等情況。做法係將4両陽起石洗淨砸碎，用布包住之後加水煮成汁，跟住取出陽起石，然後加入粳米同已切粒嘅牛腎煲粥，煲到牛腎熟透就食得。
不宜過量
牛腎嘅營養豐富，含蛋白質、維他命A、維他命B等元素，而且每100克牛腎就有10至17毫克鈣質，非常有益。不過，牛腎始終係內臟，膽固醇含量高，所以切忌食用過量，否則有可能引起心血管問題。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
