昔日東方今夜一丁：齋藤沙羅體操美少女
有運動細胞嘅少女，除咗身材健美，仲散發住陽光氣息，非常討人喜歡。喺一眾運動女將中，筆者最欣賞體操運動員，一來佢哋通常生得嬌滴滴勁可愛，二來動作勁優美再襯埋嗰套貼身戰衣，非常養眼。近期日本寫真界迎來一位體操美人兒，佢就係齋藤沙羅。
清純又嫩白
唔少日本寫真女優都擁有相當柔軟嘅筋骨，能夠喺寫真演出中做出高難度動作，佢哋之所以有咁獨特嘅體質，好多時同自細玩開體操或芭蕾舞有關，正如今日為大家介紹嘅齋藤沙羅，就係一位體操美少女。
今個月剛滿20歲嘅沙羅，個樣生得甜美又可愛，仲散發出清純氣質，有寫真界人士更盛讚阿妹有強烈嘅透明感！千祈咪以為係講阿妹當人透明或被人當透明，而係指佢嘅胴體嫩白，肌膚白裏透紅，而且身材極具曲線美，上圍更加有一對斤両十足嘅E Cup美乳！
踩入電視圈
睇番阿妹嘅寫真演出，可謂活力十足，好有陽光味，相信同佢曾經係運動健將有關。玩體操出身嘅佢，曾經參與全國大賽，雖然未攞過獎牌，但身手唔錯，筋骨勁柔軟，可以擺出高難度甫士。除咗拍寫真，阿妹亦係近期廣告界嘅新寵兒，而且密密拍劇，作品包括《戀愛漫畫家》同《黑鳥之湖》。提起拍劇，沙羅妹話自己未來嘅目標係多啲演出唔同題材嘅劇集，最希望有機會演出晨間劇集，令多啲觀眾欣賞到自己嘅演出。
社交網站
身為寫真女優，齋藤沙羅好識得自我宣傳，頻頻透過社交網派福利，以靚相吸納粉絲；另外，呢期忙於拍劇嘅佢，仲會分享自己演出劇集嘅最新消息。
Profile
齋藤沙羅
年齡：20歲
身高：5呎5吋
三圍：34-23-35
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
