昔日東方有性趣：蓮鬚益腎又固精
蓮係一種對人類好有價值嘅植物，除咗蓮花可成為藝術家嘅靈感泉源，蓮子同蓮藕亦可成為廚師炮製佳餚嘅食材，就連蓮鬚都可以幫助男人益腎固精呢！
蓮嘅雄蕊
蓮鬚係睡蓮科植物蓮嘅乾燥雄蕊，有好幾個別名，好似金櫻草、蓮花鬚、蓮花蕊、蓮蕊鬚、佛座鬚等等。中醫認為，蓮鬚性微溫，味甘澀，入腎、心二經，具有清心益腎、益血固精等功效，適用於腎虛滑精、夢泄遺精等症。
經典有記載
好多中醫藥典籍都有關於蓮鬚嘅記載，好似《綱目》指蓮鬚嘅功效包括「清心通腎，固精氣，烏鬚髮，悅顏色，益血，止血崩、吐血。」《本草通玄》更寫明：「治男子腎洩，女子崩帶。」
常見方劑：金鎖固精丸
有冇聽過「金鎖固精丸」？原來呢款方劑就加入咗蓮鬚成分，主治補腎澀精、精滑不禁、腰痠耳鳴、神疲乏力等問題，當中仲會加入龍骨、牡蠣、蓮子、芡實等材料，除咗可以補脾固腎，仲能夠補虧損之腎元，治標亦治本。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
