張秀文蒲頭露腰 破懷孕傳聞

前無綫咪神張秀文嫁入豪門後淡出娛樂圈，日前她再現蹤影，與陳詩欣等友人到日本福岡旅行。昨日她分享旅行靚相，盡騷纖腰，令佗B傳聞不攻自破！這次是她相隔近3年後再度更新社交網，她接受本報訪問時坦言：「其實都要多謝老公，因為佢去杜拜出差，陪唔到我過生日，所以咪約陳詩欣陪我。（咁點解唔跟老公一齊去杜拜？）老公話嗰邊依家好熱，等下次天氣涼啲我再做跟得夫人。」說到之前跟何遠東於台灣合照，她謂：「因為我同何遠東生日只爭兩日，咁啱佢哋話去台北慶祝生日，咁我咪順道飛過去食個小籠包先囉！」