同陳山聰鬥唔算難劉穎鏇惡補開槍挑戰唔眨眼

劉穎鏇（Tiffany）與劉佩玥於無綫新劇演出獲好評，Tiffany拍攝體能競技賽戲份，瞓身做齊高難度動作，拿着槍威風澟澟，原來拍攝前經過一番苦練。而作為劇中「誘惑擔當」的劉佩玥，一場晒腿示愛戲，獲網民激讚可愛！

有「最強Body」之稱的Tiffany於無綫劇《隱形戰隊》中，與陳山聰有不少大鬥體能的戲份。劇中，二人為了爭奪體能競技賽第一名而進行一對一對決，期間需要通過多項體能考驗，包括掌上壓、sit up、負重跑輪胎、負重單手射槍等，真的少點體力都應付不來。

雖然Tiffany在鏡頭前開槍英姿颯颯，但現實中不但對槍械零知識，起初接觸時更直認好驚：「由細到大都冇玩video games，對槍真係零知識，所以到我要揸槍（拍戲），由點樣上子彈，點樣攞槍會靚，呢啲全部對我嚟講都好新鮮，初初我學嘅時候係一頭霧水，我都一直學，多啲觀察人哋點擺甫士可以好睇啲。」此外，她還要挑戰不眨眼，她說：「要克服點樣開真槍嘅時候唔眨眼，真係極大挑戰，個槍聲真係好大，同埋前面閃嗰吓火力真係會好驚，我不停逼自己唔好眨眼。我覺得拍拍吓係會有進步，會搵到唔眨眼嘅竅門。」

劉佩玥變可愛教主

Tiffany在劇中有「力的表現」，劉佩玥則奉旨做「誘惑擔當」，其中一場她在公園大騷美腿，邊跳飛機邊向馬國明示愛，期間又向他投懷送抱，獲網友讚她成功地做出「最佳撒嬌示範」，可愛指數爆燈！