欣宜女王駕到 氹鄭裕玲爆「新歡」

繼去年6月完成《Between Us》演唱會後，欣宜前晚在紅館舉行Part 2並命名《Believe Us鄭欣宜演唱會》，一連3場正式開鑼，獲「老公」MIRROR成員Anson Lo送上兩個花籃支持。欣宜以多個女王造型現身，極具壓場感，期間連唱多首勁歌，更跳到瞓地，令全場瘋狂尖叫！

欣宜全晚High爆，不停派心及送飛吻，又笑言要濫用權力，要求批准觀眾任意拍片及影相。演唱會不惜工本，台上有流水裝置外，舞台4角又擺放從英國運來的巨型台燈。嘉賓鄭裕玲（嘟姐）出場時全場起哄，她自稱由肥姐沈殿霞大肚開始，睇住欣宜出世及成長，欣賞她尊重自己的豐盈體態。

2人在台上玩你問我答，欣宜問揀電視還是電台？嘟姐表示兩樣都要，之後再問揀TVB定ViuTV，她霸氣說：「梗係HOY TV啦！我就快拍節目，你唔知咩？」問到若只有一個水泡，會救王嘉爾（Jackson）還是姜濤？嘟姐笑說：「多咗個任時完呀！不過佢哋3個都識游水，唔使擔心。」而她則向欣宜的感情生活埋手，令欣宜吐出愛男友高大又肥大。

及至演唱會尾聲，欣宜表示能看到大家不用戴口罩的開心樣，感動得哽咽，希望大家笑口常開。