無悔拍科幻片 有汗有淚！ 古天樂自命「鋼鐵人」 跌都爬番起身

古仔擔任總監製及男主角的新片《明日戰記》獲邀成為「第46屆香港國際電影節」開幕電影之一。他為這部「香港首部科幻電影」相當緊張，早前花了16日時間飛抵北京隔離及走場宣傳，風塵僕僕返港後，前晚會合導演吳炫輝及演員姜皓文現身電影節開幕禮。

前晚古仔有求必應，離場時被大批粉絲索簽名及合照。他受訪時談到被指早前出席內地戲院謝票期間說到投資科幻片艱難一度感觸落淚，他半真半假答：「其實係嗰度冇開冷氣，好熱啫！感觸係有嘅，因為套戲花咗10年時間製作，絕對唔係一件容易嘅事。（你喺內地做直播，好多人叫你做老公喎？）當日做直播玩遊戲，好多留言叫『老公』，我咪話：個個都想做我老婆，不如支持吓部戲先啦！」

他表示對《明》片製作尚算滿意：「如果唔好點拎出嚟？不過無論點都好，我哋都係要作出檢討，因為永遠都有進步空間。」對於投資科幻片，古仔顯得無怨無悔：「點都要踏出第一步，我覺得無論花幾多時間同投資都應該嘅，否則永遠學唔識呢件事。（滿意內地票房成績？）我係鋼鐵做嘅，唔會輕易跌低，即使跌低都會即刻爬番起身，大家放心。」另外，電影的主題曲《明日之明日》，由ANSONBEAN及女團COLLAR成員Winka主唱。