上月分手 極速換畫 靚佬湯陪女睇騷 Hayley轉嗒音樂人

於漫威超級英雄電影宇宙飾演「美國隊長」情人Agent Carter的Hayley，前年與靚佬湯合作主演新片《職業特工隊：死亡清算上集》（Mission: Impossible–Dead Reckoning Part One）撻着，去年分手，數月前復合後上月又分手。不過她已火速找到第二春，對象是英國音樂監製Ned Wolfgang Kelly。

知情者透露，Hayley與Ned最近曾於美國加州同遊迪士尼樂園：「Hayley依家喜形於色，佢哋打得火熱，係一對好合襯嘅俊男美女。」根據Ned於社交網站自述，他是素食者，戒酒戒毒超過10年。

另一邊廂，靚佬湯前日則與神秘女子於倫敦欣賞英國天后Adele演唱會，但未見有親熱舉動。他初時戴住口罩，但其後脫下，與場內粉絲親民合照。