戴夢夢分手年幾做「兄妹」

藝人戴夢夢應黃婉曼之邀做直播嘉賓，講到與太極鼓手朱翰博（Ricky）感情撲朔迷離，夢夢大方談及二人關係：「我哋分開咗年幾，再見亦是朋友，我哋目標同方向唔同，再一齊落去大家都唔開心，不如轉個形式相處，唔再係情侶，變咗哥哥一樣嘅屋企人，親人嘅關係仲好啲，唔會有壓力。」問到可會閃婚？她未有排除可能性，並指最緊要是對的時間遇到對的人。