何依婷孭飛台慶劇 冇諗爭視后

無綫4套台慶劇已有定案，除了將於本月18日首播的《星空下的仁醫》及《換命真相》外，緊接播出的2套台慶劇分別是胡鴻鈞、何依婷孭飛的《十月初五的月光》及黎耀祥、張振朗主演的《拳王》。剛入行10年的張振朗表示《拳王》是從影以來最辛苦，飾演拳手的他表示：「擺咗好多心機落去，淨係身形都用咗1年時間操，希望有個新形象畀大家睇，我好鍾意個角色，打拳戲超級難演，拍到最後一日忍唔住喊咗出來，因為要Keep住身形，加上角色好沉重，好艱難，但又好開心突破自己。（有信心爭視帝？）隨緣啦。（睇好黎耀祥再攞？）我梗係撐祥哥啦，佢個角色都好犀利，57歲都搞到個身形咁Fit，好厲害！」