湯洛雯呻失眠 自爆開刀放血

無綫健康資訊節目《醫醫，我不想再病了》前晚進行錄影，主持之一黎諾懿自爆有尿酸、輕微高血壓及主婦手，笑言今次做節目可以「自肥」向醫生抄牌。湯洛雯與洪永城擔任嘉賓，前者自爆經常失眠，不時服食安眠藥：「拍劇啲時間經常日夜顛倒，好難調節，好佩服啲人一瞓落床就瞓得着。（定係因為你掛住男友馬國明，所以瞓唔着？）小朋友拍拖先會！佢知我有食藥嘅習慣，都好唔鍾意。」之後再爆上月拍新劇《OPM》時發生意外，拍落樓梯戲份時不慎碌落樓梯拗柴，腳踝又腫又瘀，後期更發現腳趾公指甲變黑，竟大膽得自行開刀放瘀血！