劇組夾份投注有運行陳家樂中六合彩分甘同味

男神陳家樂滿面紅光有運行！近日他與劇組夾份買六合彩獲獎，台前幕後興奮不已，決定將獎金「分甘同味」，他開心的說：「我都係叨導演光啫！」

家樂近日忙於拍攝英皇電影《分手專家》，與台前幕後包括女主角曾樂彤及馬思惠約20人，夾280元投注中秋六合彩金多寶，覬覦8,500萬彩金，雖然最終刀仔鋸不了大樹，但總算鋸得了樹枝，獲派彩4,480元，教他們興奮不已。

談到今次中獎，家樂表示：「我夾咗50蚊，聽講依家每人分到200幾，大家都冇諗住分錢，會將啲獎金用嚟食餐勁嘅，等大家都分享到呢份好運！」他還打趣自己也不知中獎：「嗰日收工，導演葉念琛發起話不如夾錢買六合彩，我叫助手幫我放低幾十蚊，之後聽到你（記者）講我就去了解，點知真係中咗。（好有運？）其實我掹車邊啫，聽講葉導好有計，經常中馬同波膽。」

馬思惠一擊即中

至於曾樂彤則表示自己有負責提供號碼：「畀咗個咁囉，都係導演好意頭，帶旺個劇組，希望電影上映時能夠票房大賣啦！」而來自廣州的馬思惠坦言人生首次買六合彩：「好開心，覺得好幸運，第一次買，所以完全唔知發生咩事，係導演話全Team人夾，師兄（家樂）仲同我講，話第一次買六合彩要講個號碼出嚟。」