連詩雅表面風光暗裏迷惘

歌手連詩雅昨日在黃埔宣傳新歌《別放棄治療》，歌曲原本去年推出紀念入行10周年，但因疫情而延遲。新歌是成長的一個里程碑，外間看到她表面風光，但內裏卻有點悲涼，她說：「自己有過低潮期，有段時間大家好似唔係好接受我，做乜都唔啱，有啲迷惘，都諗係咪應該繼續做呢行呢？當時情緒有啲問題成日喊，又冇乜收入，好冇動力，但捱過咗睇番轉頭，又唔覺得係咩事，自己亦比想像中強大。」