撞破男藝人偷食人妻江嘉敏前度出軌嗒女星：張床好污糟囉！

無綫小花江嘉敏（Kaman）與圈外有米男友Anthony感情穩定，不過亦曾經歷兩段不愉快的愛情。她在無綫節目《代溝關注組》中自爆：「我之前兩段關係點解會分開？係因為男朋友出軌！」更指其中一位前度不只出軌一次，惟她一直啞忍。她又憶述首次拍拖時，男友臨時表示星期日有家庭聚會，當時初戀只得18歲的她相信對方，結果男友當日竟約了她的好姊妹，卻遭她撞破！同場的游嘉欣認為出軌一次都不能容忍，不過一直被指拜金的蔡嘉欣竟表示為了錢可以忍，李家鼎聞言即說：「嗰種人一早就唔應該要啦！仲忍忍忍……」

此外，Kaman又大爆曾在尖沙咀撞破TVB男同事偷食人妻，她說：「個男Artist挽住嗰個女仔係人妻嚟，上咗新聞嘅，好彩我冇嗌佢咋，好尷尬！」說時又再勾起她的傷心事，指對上一個男友偷食對象包括模特兒、KOL及藝人：「咁其中有一個女藝人我都識，有食過飯嘅。後尾到我分手嗰刻，我先知原來佢哋係有過嘢囉！屋企張床好污糟囉我覺得！」

告狀反被寸嬲爆！

不過，令她最嬲的是致電前度媽咪告狀時，「伯母」竟反問她：「係咪你滿足唔到佢呀？如果你滿足到佢，佢唔會出去搵第二個囉！」肥媽即笑Kaman應該打給自己阿媽才對：「人哋阿媽梗係幫自己個仔啦！」