徐榮掛住「瞓」唔得閒睇高海寧嘩嘩聲：好激！

林夏薇在劇集《七公主》中全祼兼欲與徐榮發生關係一幕，令網民嘩然！最清楚拍攝情況莫過於徐榮，他昨日受訪時大讚薇薇拍攝該戲時表現專業，為免影響拍攝沒有要求清場，出來的效果相當Surprise：「畫面幾逼真，但係拍攝時薇薇有着褲、打晒底嘅，唔知有冇調過色，所以出嚟可能再逼真啲咁啦！」拍攝時「第一視角」的徐榮反而看得不清楚，他說：「拍嗰陣我都唔得閒睇薇薇，自己一路瞓咗喺梳化度培養情緒，等我OK，薇薇就行出嚟，所以冇乜留意周圍情況。」

對於薇薇的大膽演出，劇中另一女主角高海寧大讚好激，自言自己去到劇情尾段的透視Look也不及對方：「嘩！好激、好正喎！配合到劇情又靚，兩個人演得又好，已經好足夠。」問到若遇上好角色可有勇氣挑戰性感底線？她笑說：「依家真係唔知，遇到劇本需要先諗啦！」