德國拍戲收驚喜 子丹生日 愛妻送甜爆餐車

汪詩詩與一對仔女前晚已率先在社交網上載照片及留言，為7月27日生日的甄子丹送上祝福，但原來這只是「前戲」，因時差問題，子丹身處的德國昨日才是7月27日，詩詩早已安排「驚喜禮物」，就是安排甜品餐車到子丹拍戲的地方，向劇組工作人員大派特色甜品，即製熱辣辣雞蛋仔配凍冰冰乳酪，非常吸引，難怪工作人員排長龍攞甜品，子丹甫到場見到餐車已相當驚喜，一落車更獲外籍工作人員送上生日祝福，之後還看見餐車上放有一張三母子向子丹送上生日祝福的卡紙，暖意一浪接一浪，他更即席吃甜品，邊吃邊說「Good」！

除了有家人越洋送驚喜，子丹亦搵到「心頭好」，因他在外國食得西餐太多，很想食亞洲食物，他在德國搵到一間餐廳可以食到越南湯牛河，開心不已，邊食邊笑說：「食得西餐太多真係頂唔順，呢間可以揸筷子食碗越南河粉……」之後急不及待吃一口，然後豎起拇指說「OK」！他在當地拍戲，由於入住的酒店被粉絲知道，酒店門外經常有粉絲等候索簽名兼集郵，因不想影響其他住客，子丹已決定搬酒店。