「香港打吡」大球場開戰 東方龍獅理文爭頭威
兩支本土勁旅東方龍獅和理文，今晚亞協盃會師香港大球場，合演「香港打吡」。由於J組只設一個出線席位，在單循環下今場絕對是晉級關鍵一戰，加上兩軍今季幾番碰頭均火花四濺，預料會掀起激鬥，球迷萬勿錯過。（Now 633周三晚8時直播）
東方龍獅季後有迪高、辛祖及盧卡斯等主力離隊，加上球員傷患問題持續，球隊由青年軍提拔多位小將上一隊，以應付「亞協盃」。首次執掌教鞭的盧比度坦承未能以最佳狀態迎接賽事：「依家係球隊迎接亞協盃嘅最差時刻，但一班球員無論體能或心理上都已經準備好面對挑戰。」東方幾位港隊成員已歸隊，惟基頓在港隊最後一戰因傷退下火線，盧比度透露此子情況仍有待觀察。
今季東方3次與理文對碰取得2勝1負，戰績稍佔上風，盧比度明言東方今仗會全力爭勝：「理文近況唔錯，佢哋無疑係贏波大熱，但我哋班球員會跑多兩步。」「大佬」梁冠聰認為經歷陣容劇變，需要重新適應打法：「基本上我哋依家係由零開始，尤其有年輕球員加入，我哋有經驗嘅就要挺身而出。」
陳曉明對進攻球員有信心
理文主教練陳曉明表示早前為應付港超賽事「谷得好緊」，休戰一個月正好讓球員恢復，但他擔憂顏樂楓及鄭兆均等港隊成員狀態未及谷起：「有啲喺港隊嗰邊少踢，狀態反而差咗，但時間太短，希望佢哋盡快提升。」
理文今次名單未有挑選洛迪古斯，意味將缺乏正中鋒，但「曉明Sir」對其他進攻球員有信心：「之前用基華尼頓及李康廉客串前鋒效果幾好，『洛9』都係啱啱好番，我哋選擇註番弗啲嘅球員。」他認為東方在陣容大變下反而更具危險性：「我哋冇人知盧比度帶隊有咩特性，反而係挑戰。」剛奪「最佳金球」獎的中場顏樂楓日前才由香港代表隊歸隊，他同樣認為要花更多時間觀察東方陣中陌生的球員，又指不能忽視其餘兩隊：「臺南外援個人能力幾好，蒙古球員就普遍高大硬淨，唔容易應付。」