on.cc東網直播今午2:30預埋你 激戰打孖上

（on.cc東網周日下午2時30分直播）

理文守字訣迎擊冠忠南區

首仗上演「逆轉勝」的理文，今午坐鎮深水埗運動場鬥實力分子冠忠南區。因國際賽期影響，理文兩周都沒有正式比賽，惟主教練陳曉明不擔心球員狀態：「我哋有高強度訓練去維持球員狀態，反而係近期天氣酷熱，流汗情況比較嚴重，所以我哋盡量控制強度，以免球員恢復得唔好。」

冠忠南區後衞 比圖	標準流浪中場 歐陽耀冲	愉園射手 加維蘭

今仗面對冠忠南區，「陳Sir」表示上輪反勝香港飛馬一役中，展現出一眾新兵舊將迅速磨合，加上具經驗的老將亦發揮出關鍵作用，但為免再次先失波，認為球隊應先做好防守：「我相信南區嘅攻擊力會比以往更加好，喺友賽都對過佢哋，都大約知道佢哋嘅能力，所以都會同球員講番對手有乜特點。」

鄭兆聰盼球員提升把握力

另邊廂，冠忠南區上仗以3比1擊敗標準流浪，但主教練鄭兆聰（Ricky）指仍有改善空間，尤其希望球員要踢得更集中，同時把握力亦要提升。Ricky還透露，早前理文對香港飛馬時他也有入場吼路，認為要贏波必需踢得更進取：「理文好好狀態，有好多進攻嘅渠道，但係我哋都有好多前鋒，希望喺進攻畀多啲壓力佢哋。」

人腳方面，陳肇鈞、夏志明早前獲召出戰世界盃外圍賽，惟夏志明在作客柬埔寨後，膝蓋感到少許痛楚，能否上陣仍需觀察，幸日援川瀨浩太則已復操。

標準流浪主場首騷鬥愉園

自港超聯成立以來，標準流浪是第1支使用屯門鄧肇堅運動場作主場的球隊，教練團自然期望首次主場擺陣能有個好開始：「始終我哋熟習咗個球場，對我哋一定有利，希望今場能夠進取啲！」

鄧肇堅場窄利防守

然而，流浪上輪以1比3不敵冠忠南區，但管理層、教練團均仍對球員表現感到滿意：「上場輸波嘅關鍵係年輕球員喺戰術執行方面唔夠貫徹、唔夠集中，不過始終我哋決定升超之後個準備唔充足，但都有咁嘅表現已經係有所交代。」因此，今仗面對港超新軍愉園，教練團明言不能輕視對手，因為愉園雖然大敗，但係始終係升班之後第一場波，經過適應後，今場表現應該會有所進步。

至於愉園方面，球隊原訂會於上周展開的菁英盃亮相，惟足總最終取消比賽，又未能及時約戰其他隊伍，主教練鮑家耀坦承對球員保持狀態有所影響。不過「鮑Sir」仍對己隊充滿信心︰「大家都係同級對手，上季喺甲組都對過，但係對手人腳都有變，多咗安達、安基斯，我相信佢哋狀態未到最好，所以今場會係『五五波』！」他續說：「印象中屯門鄧肇堅比較窄，會有利防守，所以都希望穩陣咗先，之後再把握機會入波。」