俄法院下令要驗DNA
現年27歲嘅伊比斯利奧係前荷蘭U21國腳，今季代表紅星出戰歐聯，感情生活亦「多姿多采」，之前效力俄超安治時，瞞住正印女友Daria Danilina，同模特兒Anna Bagajeva拍拖，點知兩女竟然喺前年1月17日同日生B。伊比斯利奧已經承認Daria所生嘅囝囝係自己骨肉，但就拒絕承認係Anna所生BB嘅爸爸，一毫子都冇畀過對方。上年5月兩女齊齊上俄羅斯一個電視節目爆大鑊，Anna事後向俄羅斯法院申訴，法院勒令伊比斯利奧要提交DNA報告，否則就判佢係BB嘅爸爸要履行責任。