有頭威冇尾陣！居里三分賽衰咗

居里首輪勁爆全場。（美聯社圖片）

2015年居里奪得三分賽冠軍後，講過自己無必要再參加，佢今次再玩，原本係希望同效力拓荒者嘅細佬施夫居里鬥過，可惜對方喺第1輪得16分出局，相反，「咖喱仔」第1輪得到全場最高嘅27分，令人覺得佢有機會再做明星賽三分王。

迪亞路飛越奧尼爾入樽

點知居里喺決賽一開始連入9球後，手感突然轉冷，最後得24分，贏唔到有26分嘅祖夏里士，睇番「咖喱仔」今季三分命中率得44.4%，低過祖夏里士嘅47.1%，證明對方唔係撞彩，但當然，平日居里受到超嚴密看管，射得咁準已經好難得。

祖夏里士成為明星賽三分王。（美聯社圖片）	迪亞路變身「超人」飛過「巨無霸」。（美聯社圖片）	迪亞路

另外，達頓喺技巧賽連贏康利、祖傑同迪雷楊格得冠軍，佢喺決賽唔夠對手快，射入半場超遠三分結束比賽，令全場驚嘆。至於入樽賽，迪亞路第1輪着超人衫完成飛越「巨無霸」奧尼爾入樽，決賽佢把握丹尼斯史密夫失誤，成為入樽王。