夢想ＦＣ佳聯元朗搶分硬碰硬
港超聯今日頭場由夢想ＦＣ與佳聯元朗會師青衣運動場。兩軍目前相差5分，位列尾二的夢想希望全取3分收窄差距；元朗亦不想捲入護級漩渦，搶分大戰雙方全力搏火！
（周日下午2時30分開賽）
梁志榮豪言「鬥硬淨」
主場出擊的夢想ＦＣ上場提前鎖定菁英盃4強席位，主教練梁志榮表示：「菁英盃出線可謂放下心頭大石，全力準備嚟緊呢兩場關乎護級形勢嘅聯賽。」上仗停賽的中場馬高斯刑滿復出，「梁Sir」希望中場控制及串連會有改善。他續稱近幾場發揮不俗，信心有所提升，面對元朗硬朗的踢法，「梁Sir」揚言：「我哋要鬥搏命，人哋硬淨嘅，我哋就要硬淨過佢哋！」
佳聯元朗主教練郭嘉諾表示會謹慎應戰：「今場波會影響到護級形勢，為咗唔畀佢哋拉近，今場要做好防守，季初碰頭我哋贏嗰場波，佢哋幾位主力有傷，今日再度相逢，要打醒十二分精神。」球隊今日有葉子俊及卡立受傷缺陣，羅振庭、陳柏衡亦有微傷。