占士明星賽揀人變揀湖人隊友？

上半場湖人落後，到第3節，占士開啟進攻模式，最後佢全場有28分、12個籃板同12次助攻嘅三雙數據，加上朗度倒戈有17分、7個籃板同10次助攻，包括完場前搶到籃板射入絕殺中距離，協助湖人贏波，完場後「大帝」第一時間衝埋去慶祝。

傳聞湖人喺2020年會完成夢幻陣容，簽晒艾榮、李安納、安東尼戴維斯同奇利湯臣，唔知係咪有心，占士喺明星賽揀晒佢哋入隊，令人懷疑湖人真係有羅致佢哋嘅打算。事實上，大帝嘅首選係傳過有興趣去湖人嘅杜蘭特，睇落佢唔似揀人打明星賽咁簡單喎！