年廿八冤家路窄 富力R&F夢想FC重頭搶分戰
菁英盃年廿八上演A組重頭戲，由富力R&F於斧山道運動場鬥夢想FC。富力目前2戰有4分在手，為免夜長夢多，今仗必定全力搶分，不過夢想FC近況回勇，又有新援川瀨浩太候命，為報卻上月初大敗之仇亦不會留力，兩隊於收爐前激鬥可期。
富力R&F自踏入2019年，2場聯賽1勝1和，分別以6比0擊敗夢想FC及1比1賽和東方龍獅，今日轉戰菁英盃，雖然於A組2戰1勝1和排榜首，但因賽程關係，戰罷今仗後就要等足1個月才踢小組煞科戰鬥和富大埔，故今場富力肯定希望「攞足3分」迎接這場硬仗。不過，主教練楊正光明言會跟上兩場分組賽一樣，派遣較少上陣、較年輕的球員出戰，惟他強調勝負關鍵在於穩定性︰「夢想係有質素嘅球隊，但表現較飄忽。而我哋球隊以呢班較少踢嘅球員作賽，能否保持到之前對東方及元朗嘅表現， 相信心態決定一切。」
陣容方面，富力新外援沙治迪布尼因註冊問題，未能趕及披甲。傷兵則只有林志堅，早前休戰的隊長羅拔圖則已恢復訓練。
新兵川瀨或先列後備
上月初大敗後，夢想FC卻未有被打沉，其後反而踢出驚喜，先於聯賽逼和香港飛馬，在足總盃首圈更氣走東方龍獅，主教練梁志榮表示：「球員嘅鬥志、士氣都好好，一條心去做，呢兩場睇到佢哋好有決心去爭勝。」早前球隊簽入日本中堅川瀨浩太，「梁Sir」對這位新援讚不絕口：「佢26歲好後生，之前都喺亞洲踢波，嚟到香港適應得好快。仲有佢嘅身高優勢、防守意識都好強。」
不過，「梁Sir」亦透露「高達」或會先列後備：「我諗都未必擺佢正選，因為呢兩場波都係一樣嘅後防，我唔想特別去改變，始終順嘅時候就冇理由去改變，但係後備名單應該會有佢。」球隊目前有祖亞昆受傷，而謝家榮因傷勢惡化，預料需休戰至3月。