傑志香港飛馬變陣鬥法
菁英盃B組今晚8時假旺角大球場上演獨腳戲，傑志火併香港飛馬，「藍鳥」雖於日前捧走高級組銀牌，惟傷兵卻加倍惡化，另邊廂的飛馬部分借將因賽制未能披甲，加上本身又有不少傷員，故雙方主帥已事先張揚會變陣出擊，令今場賽事充滿變數！
上周六高級組銀牌賽決賽傑志險勝和富大埔，摘下今季首項主要錦標，但該仗林恩許撞傷眼，後備入替的賓紀文亦告受傷，令「藍鳥」傷兵問題惡化。其中手指受創的盧卡斯，昨晚要進行小手術，李毅凱情況有所改善，但未必能趕及復出，至於隊長黃洋就需要請示醫生意見，才決定能否上陣。
傷兵多賽期又密，傑志主教練朱志光明言，今仗人腳會有大變動︰「賽程頻密有好有唔好，但總好過季初要隔成3星期先有波打，球員狀態比較難保持，今場我哋會調整人腳，事關過完農曆新年要打亞冠外圍賽，返嚟就要對和富大埔，大埔主場因為冇夜燈而改唔到期，不過球隊心理上都有準備。」
飛馬「陳7」停賽3新兵唔踢得
香港飛馬於下半季積極增兵，先後從友隊換來大衞拉菲爾，借用曾至孝及袁振昇，但由於3人曾代表舊東家踢菁英盃，所以會連同停賽的陳肇麒齊齊作壁上觀。飛馬自去年12月初於聯賽擊敗東方龍獅後，長達3星期「冇波踢」，之後元旦日在菁英盃不敵理文，接着2場聯賽對佳聯元朗及夢想FC亦和波收場，主教練陳浩然坦言「空白期」影響甚大︰「停咗3個禮拜冇比賽，球隊欠缺比賽狀態，喺進攻方面都比較依賴個別外援狀態，所以都喺季中引入『昇仔』（袁振昇）。」
形勢上飛馬目前以1勝1負排B組第3，若要爭出線已無失分空間，惟飛馬除了上述4人未能披甲，仍有黃俊皓、張國明等傷兵，故陳Sir希望陣中小將能爭氣︰「雖然嚟緊2月部份球員計埋賀歲盃，可能會有5場比賽踢，不過普遍球員都覺得踢得密啲，會比較容易保持比賽感覺，今場我哋有唔少傷病，借將又唔出得，所以希望隊中幾位U22球員可以把握機會。」