19歲當錫「加大碼三雙」創紀錄

兩隊比數一直咬住，到第4節，當錫單手「爆樽」徹底燃起主場氣氛，仲助攻迪安迪佐敦「拆你屋」，而且佢喺關鍵時刻出現致命失誤後，成功喺李安納防守下強行射入3分，最終佢取得35分、12個籃板同10次助攻下，創出職業生涯得分新高，獨行俠嘅2連勝都要結束。

另一方面，李安納有33分、10個籃板同3次助攻，帶領速龍結束2連敗，不過傳媒同球迷似乎更欣賞當錫嘅表現，因為佢除咗成為聯盟史上首個未滿20歲就拎到2次「三雙」嘅球員，而今仗得分30＋嘅「加大碼三雙」亦係一項新紀錄，充滿未來巨星嘅味道，或者明星賽真係要預埋佢。