傑志和富大埔銀牌爭霸

香港大球場今日爆發「高級組銀牌」王者戰，由兩支快將代表香港出戰亞洲賽的傑志及和富大埔爭奪今季首項主要錦標。雙方今仗繼去季菁英盃、足總盃及今季社區盃後，連續第4個決賽碰頭，究竟曾三挫大埔的傑志再奪標，還是由和富大埔一雪前恥？球迷除可入場支持愛隊，亦可透過on.cc東網觀戰，同時觀塘apm都有直播睇！（on.cc東網周六下午4時直播）

傑志射手盧卡斯

上仗在聯賽以3比0擊敗理文的傑志，隊長黃洋於賽事期間撞傷頭部，因感暈眩入院觀察，證實有輕微腦震盪，主教練朱志光表明不會冒險派他上陣︰「始終佢撼親個腦，同扭親腳唔同，作為教練唔可以太過輕率，就算佢話踢得我都會有保留。雖然呢場要爭冠軍，但都必須顧及球員嘅安全。」

傑志目前傷兵不少，除了前鋒泰迪韌帶撕裂需休戰1個多月外，中村祐人亦因骨裂養傷兩、三周，至於上仗缺陣的守衞李毅凱仍有微傷，早前作客冠忠南區傷出的列斯奧則於周四才復操。不過「朱Sir」認為，球隊防線的傷患情況已比之前理想︰「其實我哋仲有啲球員受傷，幸好艾里奧出番嚟踢，後防人腳上相對齊整啲。」談到雙方去季在菁英盃和足總盃決賽，以及今季的社區盃碰頭，傑志均能取勝，「朱Sir」則強調對手已累積足夠的決賽經驗，並提醒眾將切忌鬆懈。

朱Sir堅爸鬥出招

和富大埔今季聯賽作客鬥「藍鳥」，半場落後兩球下逼和對手，主教練「堅爸」李志堅表示，雖然隊中持續有球員負傷上陣，但相信一眾年輕球員的活力及不斷增加的經驗，將會是大埔擁有的優勢︰「傑志經驗肯定比我哋好，經驗隨時日會有所增長，但活力就隨時減退，如果我哋一班青年球員有活力，加上經驗愈來愈豐富時，呢個亦會形成優勢。對賽兩隊都要應付亞洲賽，都知道嚟緊嘅日子會好辛苦。當有球員受傷，都會係球隊一個負擔，我哋常規正選中年輕球員比較多，回復狀態方面比較好。再者，今年聯賽都反映出前列強隊實力平均咗，相對會緊湊啲。」