香港飛馬VS夢想FC名次惡鬥

今日港超尾場於旺角大球場上演,由香港飛馬迎戰夢想FC。兩軍近2仗同樣未能贏波,為爭取更高排名,雙方對撼勢必搏盡,激戰可期。

主隊香港飛馬自踏入2019年後,2戰均以失分告終,總結上半季,主教練陳浩然指球隊漸入佳境:「上半季我哋入波多,但係失波都多,所以下半季我哋要喺防守上改善。我喺10月開始接手,開始見到球員喺比賽入面做到我想要嘅嘢,我哋同榜首相差唔遠,球隊仲有機會挑戰聯賽冠軍。」今仗對陣夢想FC,「陳Sir」直認難應付,不過他認為球員只要保持上仗逼和佳聯元朗的鬥心,要搶3分並非空談。「陳Sir」還透露,上場傷出的中堅張志勇已康復並重投訓練,惟會否派他上陣還需觀察他的比賽狀態。

夢想門將謝家榮養傷倦勤

作客的夢想FC自上月擊敗凱景後,先後大敗於勁旅傑志、富力R&F腳下,主教練梁志榮坦言球隊質素及經驗不足,往往在失波後踢得太拘謹所致。問到陣容方面,「梁Sir」表示早前在省港盃傷出的門將謝家榮仍要休養,惟上場休戰的翼鋒林樂勤則可候命。