和富大埔主戰凱景

𥄫實利馬許嘉樂域陀

和富大埔自去年聖誕節於高級組銀牌擊敗富力R&F後，超過兩周沒有比賽，主教練李志堅坦言球隊傷兵滿營：「勞高啱啱開始復操，哈利唔得、杜度又受傷，有得休息對大部分球員都好嘅，惟有希望佢哋比賽時可以即刻攞番感覺。」球隊於冬季轉會窗引入巴西中場利馬，「堅Sir」期望此子能加強球隊中場控制能力。

客軍凱景在冬季轉會窗頻頻增兵，先從理文借得許嘉樂、域陀，及後再簽入南韓前鋒金玟基以增強實力，主教練馮凱文表示：「許嘉樂、域陀之前合作過，我唔使再摸索佢哋嘅特性。金玟基都有段時間喺度練波，佢停到波、畀到波，埋門能力都好，希望可以解決前線把握力不足嘅問題，不過金玟基工作證仲等緊，希望趕得切今場上陣。」