感染全城繼續熱血 郭嘉諾：港隊應由港人教！

一班年輕球員將士用命，真正做到「初生之犢不怕虎」，港隊主教練郭嘉諾當然功不可沒：「呢班年輕球員雖然畀人睇低，但佢哋嘅拚搏精神令佢哋喺場上，說服得到香港球迷，話畀球迷聽，佢哋係香港嘅未來。」

「ＨＫ足球未來睇家長」

球場內外，「嘉諾Sir」以「激情」見稱。賽後數天，接受訪問時「嘉諾Sir」仍然激動：「喺短時間內領先4比0，對我嚟講好驚喜。好多香港人都話未見過香港隊咁大膽，對住外隊踢咁進攻嘅足球。」

「嘉諾Sir」相信，香港足球的未來並不複雜，講到底就是靠青訓，而關鍵在於要令更多青年球員，從小有想做職業足球員的心志、有想代表香港隊踢大型比賽的目標，當中家長支持就很重要：「我好想話畀香港嘅父母知，其實你哋嘅小朋友好想為香港做好多事，以及佢哋好享受冠軍榮譽呢一刻，呢班球員係值得嘅，冇家長嘅支持，佢哋唔會夠膽去做呢件事。」

「想貢獻更多諗過坐正」

來自足球世家的「嘉諾Sir」，30歲開始職業足球教練生涯，現時是港超球隊佳聯元朗主教練。未來他希望為香港足球貢獻更多，目標當然是出任「大港腳」的總教頭：「我曾經諗過自己能否他朝一日，做到香港隊教練。」他更堅信，香港足球應該由香港人帶領：「上幾個香港教練都喺外國聘請，其實香港有好多教練，好有潛質、好有心。」

對於最近有建議重建香港大球場，「嘉諾Sir」感可惜：「希望保留我哋呢個大球場，係好多香港人嘅回憶，係香港足球嘅勝地，亦係我成為職業足球員嘅其中一個原因。」