港足贏在有火冧莊省港盃
第41屆省港盃昨晚假香港大球場上演次回合賽事，首回合落後1比2的香港隊憑着安永佳、梁諾恆、袁振昇及茹子楠各入一球，以4比0擊敗廣東隊，兩回合計總比數以5比2擊敗對手捧盃，成功衞冕。
今仗有鄭展龍傷愈復出的香港隊，甫開賽便保持控球權及積極進攻，先於開賽15分鐘有孫銘謙把握角球攻勢，接應隊長胡晉銘短傳於禁區頂抽射高出，之後於16分鐘有鄭兆均趁敵衞回傳失誤埋門，惟單刀被侯宇快一步出迎將球擋出。港隊戰至22分鐘先開紀錄，安永佳接應鄭兆均右路罰球傳中近門射成1比0。廣東隊在34分鐘有胡威威於禁區外笠射僅告高出，主隊完半場前幾乎再有入球，茹子楠41分鐘禁區外抽射被侯宇救出，港隊領先1比0完半場。
末段10打10茹子楠入靚波
換邊後港隊愈戰愈勇，先有梁諾恆於50分鐘接應孫銘謙右路傳中頭槌建功，領先2比0。戰至56分鐘，袁振昇禁區內被陳梓傑絆跌，並親自操刀主射12碼入網，將比數擴至3比0。
港隊與省隊戰至69分鐘一度埋牙，安永佳及門將侯宇更發生言語及肢體衝突，兩人均直接領紅被逐，結果廣東隊後備門將楊超上陣僅2分鐘後再告失守，茹子楠禁區外乘敵衞解圍不遠，第一時間窩利抽射掛網，助主隊領先至4比0。廣東隊主教練陳玉良隨後因不滿球證判決投訴，結果被趕至觀眾席，最終香港隊次回合大勝4比0完場，兩回合總比數以5比2擊敗廣東隊，蟬聯冠軍。
郭嘉諾：帶住不懼信心返球會
港隊主教練郭嘉諾賽後表示，希望球員能夠將如此表現演續到他們效力的球隊上︰「香港足球係靠青訓，今日有好多年輕球員，『阿昇』（袁振昇）已經係最年長嘅一個，甚至『孫銘』（孫銘謙）2000年出世，球迷都睇到，佢落到場係唔驚，希望呢班年輕球員繼續努力。我哋開會時講過︰『1年前你喺邊度？』蔡子濤話我聽，佢喺現場買飛睇緊波，有幾位球員喺屋企睇緊電視，邊度估到1年後嘅今日，佢哋會落場踢呢個比賽？甚至捧起省港盃，佢哋攞咗呢個盃聽日會做咩嘢，希望可以帶住呢個唔怕嘅信心同精神返球會，繼續踢好啲佢哋嘅足球，為香港隊效力。」
本周賽程
港超聯
1‧12(六)
富力R&F VS 夢想FC
廣州燕子崗體育場
下午2時30分
$50
冠忠南區 VS 傑志
香港仔運動場
下午2時30分
$80、$30 (特惠票)
港超聯
1‧13(日)
和富大埔 VS 凱景
大埔運動場
下午2時30分
$60、$20 (特惠票)
香港飛馬 VS 佳聯元朗
旺角大球場
下午5時30分
$80、$30 (特惠票)
圖/文：何彥霆、陳焌鏗