嘉諾Sir深信幫到隊波
適逢元旦日是「張峰」35歲的生日，將穿上佳聯元朗23號球衣的他，較早前已開始隨「橙衫軍」操練。「嘉諾Sir」對這位新兵寄予厚望：「其實球隊開季以嚟，並冇一位正式嘅左後衞，要陳柏衡同其他球員客串，依家多咗可以司職左路不同位置嘅『張峰』，其他球員就可踢番自己擅長嘅位置，戰術同部署方面亦會多好多選擇。加上『張峰』嘅傳中球同罰球都處理得好好，絕對幫到杜馬思同法比奧呢啲擅頂嘅球員。」「嘉諾Sir」亦提到與「張峰」有一同參與港隊梯隊的教練工作，彼此教波理念十分接近，深信兩人聯同法比奧將合作愉快。